മാഞ്ചസ്റ്റർ : കേരള കാത്തലിക്ക് അസോസിയേഷൻ ഓഫ് മാഞ്ചസ്റ്ററിന്റെ ( K .c a m ) ഈസ്റ്റർ ആഘോഷം ഏപ്രിൽ 11 ശനിയാഴ്ച നടക്കും . ടിബർലി മേതോഡിസ്റ്റ് ചർച്ച് ഹാളിൽ ഉച്ചയ്ക്ക് 2 ന് ആഘോഷപൂർവ്വമായ ദിവ്യബലിയോടെ ആഘോഷങ്ങൾക്ക് തുടക്കമാകും.
ഫ്രുഷ് ബറി രൂപത സീറോ മലബാർ ചാപ്ലയിൻ റവ . ഡോ. ലോനപ്പൻ അരങ്ങാശ്ശേരി , സീറോമലങ്കര ചാപ്ലയിൻ ഫാ. തോമസ്‌ മടുക്കമുട്ടിൽ, ഫാ റോബിൻസണ്‍ മെൽക്കിസ് തുടങ്ങിയവർ ദിവ്യബലിയിൽ കാർമ്മികരാകും. തുടർന്ന് നടക്കുന്ന പൊതുസമ്മേളനത്തിൽ അസോസിയേഷൻ പ്രസിഡന്റ്‌ ബിന്ദു ആന്റണി അധ്യക്ഷത വഹിക്കും. ബഹുമാനപ്പെട്ട ദൈവീകർ ചേർന്ന് ഭദ്രദീപം തെള്ളിയിക്കുന്നതോടെ ആഘോഷ പരിപാടികൾക്ക് തുടക്കമാകും . അസോസിയേഷൻ യുവജന കൂടായ്മയും മുതിർന്നവരും വിവിധങ്ങളായ പരിപാടികളുമായി വേദിയിൽ എത്തി ച്ചേരും.
ബൈബിൾ അധിഷ്ടിധമായ ഒട്ടേറെ ദൃശ്യാവിഷ്കരങ്ങളാണ് ഇക്കുറി അണിയറയിൽ ഒരുങ്ങുന്നത് . വിഭവ സമൃദമായ ഈസ്റ്റർ ഡിന്നറോടെ പരിപാടികൾ സമാപിക്കും . ആഘോഷ പരിപാടിയിൽ പങ്കെടുക്കാൻ മുഴുവൻ അസോസിയേഷൻ കുടുംബങ്ങളെയും സെക്രട്ടറി നോയൽ ജോർജ്ജ് സ്വാഗതം ചെയുന്നു.
